منتديات الكعبة الإسلامية - العزم على عدم العودة مقطع مرئي + تفريغ للدكتور محمد الغليظ

السلام عليكم ورحمة الله وبركاته

العزم على عدم العودة مقطع مرئي + تفريغ للدكتور محمد الغليظ

http://www.youtube.com/watch?v=Nq9HB...goYoQeSf_LUVaU

العزم على عدم العودة

عزم يعنى إيه عزم ؟؟؟! ، قوة قوة قوة شديدة كمان
أن يعزم ألا يعود للذنب أبدا أبدا
وده لا ينطبق على اللى بيجرب يتوب
وده لا ينطبق علي اللى بيقول إيه " أنا هصلح نفسى اليومين دول بقى "
لا ينطبق على اللى قرر يعدل بعض الأمور ....علشان خاطر ... ما يبقاش..... ما يبقاش فيها مخالفات كبيرة...... والكلام الفذلكة ده
لو فيه توبه يبقى فيه لأ مش هعمل خلصانه
كما قال النبى "صلى الله عليه وسلم "لما جاء له أبو طالب و بيساومه على الدعوة ، قاله إيه ؟؟
لو وضعوا الشمس عن يمينى والقمر عن شمالى حتى أترك هذا الأمر ما تركته
حتى أهلك أو يظهره الله ، أنا مكمل مكمل للآخر ، يا أنجح يا أموت
إنما مش يا قاتل يا مقتول ، يا قاتل يا قاتل
أنا هنجح أنا هوصل أنا هجيبها أنا توبت
أنا توبت ، هى دى ، إن يكون بكل قوة مش تجربة ، انما الناس اللى بتفاوض ف التوبة أقسم بالله ما بيوصل
عشان كده أرك توبة هى توبة التقسيط
سامحونى يا شباب هى تنفع ، ينفع يبقى عندى 10 ذنوب أتوب من اتنين وأقيم على 8 ؟؟؟؟
ينفع ،العلماء قالوا يجوز ، انما ده مش منظر واحد عايز يعمل أحسن رمضان ،ولا منظر واحد عايز يعمل أحسن توبة ولا هى دى التوبة النصوحة اللى ربنا سبحانه وتعالى أمرنا بيها ده واحد ع الحركرك ، يروح يوم القيامة بقى يا يغفرله يا يعذبه وانت وحظك ،هى كده
انما انت تكون عايش ف الدنيا عامل حسابك ان انت شوية كده وشوية كده ، ده ضياااع ((إِنَّهُ لَقَوْلٌ فَصْلٌ ))
واحنا واخدينه هزل ، تقسيط وياريتنا بنسدد ف معادنا
ديما ما بنسددش ف معادنا لو سددنا ،
الشاهد العزم ، أن تعزم ان لا تعود للذنب أبداااا أبدا
طب لو الظروف ؟ ولا الظروف
طب الأمور؟ ولا الأمور
طب ال...؟ مفيش
خلصت وصلت لحيطة سد

للمزيد من دروس الدكتور محمد الغليظ

https://archive.org/details/@eeeeeee?and[]=%D8%A7%D9%84%D8%BA%D9%84%D9%8A%D8%B8

الحمد لله

وهنا ايضا

https://www.youtube.com/user/amoona4...84%D9%8A%D8%B8